2013-yil yakunlariga ko‘ra, O‘zbekiston va Rossiya o‘rtasidagi pul o‘tkazmalarining umumiy hajmi 18,27 foizga o‘sib, 2012-yildagi 6,084 milliard dollardan 2013-yilda 7,196 milliard dollarga yetdi. Bu haqda UzDaily Rossiya Markaziy banki ma’lumotlariga asoslanib xabar berdi.
2013-yilda Rossiyadan O‘zbekistonga 6,633 milliard dollar pul o‘tkazilgan. 2012-yilda bu ko‘rsatkich 5,668 milliard dollarni tashkil etgan (+17,02%). O‘zbekistondan Rossiyaga o‘tkazilgan pul mablag‘lari esa 2012-yildagi 416 million dollardan 2013-yilda 563 million dollargacha oshdi (+35,34%). Hisobot davrida bitta operatsiyaning o‘rtacha summasi 1742 dollardan 1901 dollargacha o‘sdi.
Rossiya Markaziy bankining ta’kidlashicha, ushbu ma’lumotlar Anelik, BLIZKO, Coinstar Money Transfer, Contact, InterExpress, Migom, MoneyGram, PrivatMoney, UNIStream, Western Union, “AziyaEkspress”, “ALLYuR”, “Blits”, “Bistraya Pochta”, “Zolotaya Korona”, “Lider” va “Pochta Rossii” tizimlarini qamrab oladi.
Izoh (0)