Toshkent issiqlik elektr markazi gaz turbinali qurilmani ishga tushirdi

Toshkent issiqlik elektr markazi (IEM) zamonaviy gaz turbinali (gaz kuchi bilan ishlaydigan dvigatel) uskunani ishga tushirdi. Bu haqda “Turkiston press” xabar berdi.

Yangi qurilmani “O‘zelektrapparat-Elektrshit” OAJ qo‘shma korxonasi taqdim etdi. U uchta gaz turbinali generator va yangi 110 kilovattlik ochiq taqsimlash qurilmasi uchun elektr uskunalardan iborat. Natijada IEM quvvati 27,5 megavattga oshdi.

Toshkent IEM 1939-yilda tashkil topgan. U umumiy quvvati 415 t/s bo‘lgan beshta bug‘ qozoni, 30 MVt li bug‘ turbinasi va 650 Gkal/s quvvatiga ega yettita suv isitish qozonidan iborat.