“O‘zeltexsanoat” uyushmasi ochiq aksiyadorlik jamiyati shaklidagi “O‘zeltexsanaot” aksiyadorlik kompaniyasiga aylantirildi. Bu haqda UzDaily xabar berdi.
Tegishli qaror O‘zbekiston Prezidenti tomonidan qabul qilindi. Yangi kompaniya elektrotexnika sohasidagi korxonalarning ishlab chiqarish va marketing faoliyatini muvofiqlashtirish bilan shug‘ullanadi.
“O‘zeltexsanoat” AK ishlab chiqarilayotgan mahsulotlarga ichki va tashqi bozorlardagi talabni o‘rganadi va korxonalarga yangi elektrotexnik mahsulotlar ishlab chiqarishni yo‘lga qo‘yishda ko‘maklashadi.
Shuningdek, u sohada elektrotexnik mahsulotlar ishlab chiqarishni kengaytirish va modernizatsiya qilish hamda maishiy elektrotexnika bo‘yicha xorijiy investorlarni jalb etish uchun ham mas’uldir.
Izoh (0)