Mirjalol Qosimovning olimpiya terma jamoasiga murabbiylik qilishi haqidagi xabar rasman tasdiqlanmadi. O‘zbekiston futbol federatsiyasining Twitter’dagi sahifasida ma’lum qilinishicha, Mirjalol Qosimov endi faqat milliy terma jamoada faoliyat olib boradi. Shuningdek, murabbiy oldiga Osiyo o‘yinlarida ishtirok etadigan terma jamoani boshqarish vazifasi ham qo‘yilgan.
Uff.uz ta’kidlashicha, Olimpiya terma jamoasi asosini tashkil qiladigan va 2016-yilda Braziliyada bo‘lib o‘tadigan Olimpiadaga chiqish uchun kurash olib boradigan O‘zbekiston U-22 terma jamoasiga esa Shuhrat Maqsudov ustozlik qilishda davom etadi.
Shuningdek, xabarda qayd etilishicha, bu ma’lumotlar 4-aprel kuni O‘FF Ijroqo‘m yig‘ilishida e’tirof etilgan.
Mirjalol Qosimov Osiyo o‘yinlarida ishtirok etadigan terma jamoada ham bosh murabbiy sifatida ishlaydi.
Жумладан, Ижроқўм қарорига кўра Миржалол Қосимов эндиликда фақат миллий терма жамоа бош мураббийи сифатида фаолият олиб борадиган бўлди.
— O‘zbekiston FA (@UzbekistanFA) April 8, 2014
Миржалол Қосимов шунингдек, Осиё Ўйинларида иштирок этадиган терма жамоада ҳам бош мураббий сифатида ишлайди.
— O‘zbekiston FA (@UzbekistanFA) April 8, 2014
Eslatib o‘tamiz, 1991—92-yillarda tug‘ilgan yoshlardan iborat terma jamoa sentabr oyida Koreyaning Incheon shahrida bo‘lib o‘tadigan Osiyo o‘yinlarida ishtirok etadi. Ta’kidlash joiz, Osiyo o‘yinlarida ishtirok etadigan terma yangidan tuziladi va bu terma jamoa oldiga Incheonda chempion bo‘lish vazifasi yuklatilgan.
Izoh (0)