Buxoro shahridagi “Dilkusho” tennis markazida 1996—2004-yillarda tug‘ilgan bolalar, o‘smirlar va qizlar o‘rtasida tennis bo‘yicha viloyat ochiq birinchiligi bo‘lib o‘tdi, deb yozadi O‘zA.
To‘rt kun davom etgan musobaqada mezbon sportchilar bilan birga Qoraqalpog‘iston Respublikasi, Jizzax, Navoiy, Samarqand, Xorazm viloyatlaridan 150 nafardan ziyod o‘g‘il-qiz g‘oliblik uchun kuch sinashdi.
O‘z yosh toifasida buxorolik Ahad Ermatov, Xalil Atoyev, Mironshoh Sharofiddinov, Maftuna Yunusova, Zaynab Toshpo‘latova, Dilnura Rahmonova, samarqandlik Izzat Hamidov, jizzaxlik Sarvinoz Farhodova g‘oliblikni qo‘lga kiritdi.
– Musobaqada g‘alaba qozonganimdan xursandman, – deydi samarqandlik Izzat Hamidov. – Turnir tajriba va mahoratimizni oshirishga katta yordam berdi.
Izoh (0)