2013-yili andijonlik sportchi qizlar turli musobaqalarda 533 medalni qo‘lga kiritdi
Andijon shahridagi ixtisoslashtirilgan tennis maktabida xotin-qizlar o‘rtasida an’anaviy tennis turniri bo‘lib o‘tdi. Bu haqda O‘zA xabar berdi.
“Sog‘lom bola yili” Davlat dasturi doirasida viloyat xotin-qizlar qo‘mitasi tashabbusi bilan tashkil etilgan musobaqada 120 nafarga yaqin ishtirokchi g‘oliblik uchun kuch sinashdi.
– O‘zbekistonda yaratilayotgan keng sharoit va imkoniyatlar samarasi viloyatimiz sportchilari qo‘lga kiritayotgan natijalarda ham o‘z ifodasini topmoqda, – deydi Andijon viloyati hokimining o‘rinbosari, viloyat xotin-qizlar qo‘mitasi raisi Manzuraxon Yunusova. – 2013-yilda 4 200 nafardan ziyod andijonlik xotin-qizlar respublika va xalqaro miqyosdagi turli sport musobaqalarida muvaffaqiyatli ishtirok etib, 533 medalni qo‘lga kiritdi.
Yakuniy natijalarga ko‘ra o‘z guruhlarida Mushtariy Mamajonova, Dilfuza Sultonova, Inna Kamakina va Millana Ismoilova g‘olib deb topildi.
