Toshkentda O‘zbekiston, Afg‘oniston, Turkmaniston, Qozog‘iston, Tojikiston, Qirg‘iziston shaxmat federatsiyalari mutasaddi rahbarlari ishtirokida mintaqaviy seminar bo‘lib o‘tdi. Bu haqda “Turkiston press” xabar berdi.
Xususan, 2013-yili 6 yoshdan 20 yoshgacha bo‘lgan shaxmatchilar jahon va qit’a chempionatlarida jami bo‘lib 17 ta medalga sazovor bo‘ldi. FIDE prezidenti sovrini uchun uch yildan buyon o‘tkazib kelinayotgan Markaziy Osiyo kubogi musobaqasida O‘zbekiston terma jamoasi a’zolari ketma-ket uch marotaba bosh sovrinni qo‘lga kiritdi.
— O‘zbekiston — shaxmat jadal rivojlanayotgan mamlakatlardan biri, — dedi FIDE prezidenti assistenti Berik Balgabayev. — Yurtingizda bolalar sportini rivojlantirishga qaratilayotgan e’tibor samarasida yosh shaxmatchilar musobaqalarda ulkan natijalarga erishmoqda. Bu O‘zbekiston shaxmatining yorqin kelajagidan dalolat beradi.
Mintaqaviy seminarda Markaziy Osiyo hududida shaxmatni yanada ommalashtirish, Xalqaro shaxmat federatsiyasi — FIDE Kongressiga tayyorgarlik ko‘rish va ushbu xalqaro tashkilot bilan aloqalarni yanada mustahkamlash, o‘zaro hamkorlikni rivojlantirish kabi muhim masalalar muhokama qilindi.
Izoh (0)