Bugun,

  • USD 11095.31
  • RUB 173.84
  • EUR 10772.44

Sevara Nazarxon Rossiyaning “Yil shansoni—2014” mukofotiga sazovor bo‘lganligi haqida xabar bergan edik. “Shanson” radiosi saytida ma’lum qilinishicha, u bu sovrin o‘zi uchun katta sovg‘a ekanligini e’tirof etgan.

Foto: Sevara Nazarxonning matbuot xizmati

Foto: Sevara Nazarxonning matbuot xizmati

“Mukofotga sazovor bo‘lganimni o‘zim yaqindagina, “Jonli tor” (“Jivaya struna”) dasturida ishtirok etish uchun “Shanson” radiosi studiyasiga kelganimda bildim, – deydi O‘zbekiston Respublikasida xizmat ko‘rsatgan artist Sevara Nazarxon. – Mehnatim mahsulini “Yil shansoni” mukofotiga loyiq ko‘rishlari – men uchun katta sovg‘a. Oramizda shunday do‘stlik boshlanganidan juda xursandman”.

Sevaraning e’tirof etishicha, u hamisha shansonni yaxshi ko‘rgan. U Vertinskiy, Okudjava asarlarini sevib tinglaydi.

“Kremldagi sahnada turib, Bulat Shalvovichning “Gruzincha qo‘shig‘i”ni kuylash men uchun ulkan sharaf bo‘ladi, – deydi u. – Bu qo‘shiq juda samimiy, mayin, vokal jihatidan qulay. Men uni ko‘p marta mashq qilib ko‘rdim va endi bu chiqishni sabrsizlik bilan kutmoqdaman. “Shanson” radiosining barcha tinglovchilariga imkon qadar ko‘p yaxshi musiqalar, yaxshi qo‘shiqlar tilayman!”

Shuningdek, 6-aprelga o‘tar tunda Sevara Nazarxon o‘zining Facebook sahifasiga mazkur sovrinni qo‘lida ushlab olgan selfi-suratini joylagan. Unga: “Shanson” radiosidan buni olib, darrov aeroportga qarab yo‘lga tushdim!” deya izoh bergan.

Foto: facebook.com/sevaramusic

Foto: facebook.com/sevaramusic

Xonandaga bundan ham katta zafarlar tilab, yangi va yaxshi qo‘shiqlar kutib qolamiz!

Izoh
Asosiy yangiliklar
Mahalliy
O‘zbekistonda 29-may kuni 39 darajagacha issiq bo‘ladi
Sport
Lionel Messi Ronalduning rekordini yangiladi
Mahalliy
Qarshidagi kafelarning birida yong‘in sodir bo‘ldi