3-aprel kuni Tashqi iqtisodiy aloqalar, investitsiyalar va savdo vazirligida Shveysariya Konfederatsiyasining O‘zbekiston Respublikasidagi Favqulodda va muxtor elchisi Nikolya Bryul bilan uchrashuv bo‘lib o‘tdi. Bu haqda vazirlik rasmiy sayti xabar berdi.
Suhbat davomida ikki mamlakat o‘rtasidagi savdo-iqtisodiy, investitsion hamda moliyaviy-texnik hamkorlikni kengaytirishning istiqbollari muhokama qilindi.
Asosiy e’tibor oziq-ovqat va konditer mahsulotlarini ishlab chiqarish, meva-sabzavotlarni chuqur qayta ishlash, dori-darmonlar, shuningdek, bog‘dorchilik, o‘simlikshunoslik va uzumchilik sohalariga tegishli bo‘lgan aniq loyihalarni amalga oshirishga qaratildi.
Vazirlikda aprel oyining so‘ngida moliyaviy-texnik soha bo‘yicha hamkorlikning yangi yo‘nalishlarini muhokama qilish maqsadida davra suhbati o‘tkazishga kelishib olindi.
Shuningdek, o‘zbek tomoni Shveysariya vakillarini Toshkentda 2014-yilning 5—6-iyun kunlari “O‘zbekistonda oziq-ovqat dasturlarini amalga oshirishning muhim yo‘nalishlari” mavzusida bo‘lib o‘tadigan Xalqaro konferensiyada ishtirok etishga taklif qildi.
Izoh (0)