Amerika maxsus xizmatlari AQSh fuqarolarining telefon suhbatlarini hamda elektron pochta orqali muloqotlarini sudning tegishli qarorisiz kuzatib borishadi, deya xabar beradi “ITAR-TASS”.
Bu haqda senator Ron Uayden so‘roviga javoban AQSh Milliy xavfsizlik agentligi (MXA) direktori Jeyms Klepper yuborgan xatda ma’lum qilingan. 28-mart kuni jo‘natilgan xat haqida Uayden hamda uning hamkasbi – senator Mark Yudoll hamkorlikda tayyorlagan qo‘shma bayonotda so‘z boradi.
Uayden va Yudoll AQSh maxsus xizmatlarining ushbu ishini qattiq tanqid qilishgan. Ularning fikricha, elektron razvedka bilan shug‘ullanuvchi mamlakat Milliy xavfsizlik agentligi amerikaliklarning telefon qo‘ng‘iroqlari haqida katta axborot to‘plashdan tashqari, “ordersiz tarzda ularning shaxsiy xabarlarini ham o‘qishlari”ni endi jamoatchilik biladi. “Bu esa nomaqbul va MXA faoliyati AQSh konstitutsiyasiga to‘g‘ri kelishi borasida jiddiy savollar keltirib chiqaruvchi holatdir”, – deyiladi bayonotda.
Avvalroq MXA MYSTIC dasturi orqali butun mamlakat hududidagi barcha qo‘ng‘iroqlarni yozib olish imkonini qo‘lga kiritganligi xabar qilingan edi.
Izoh (0)