O‘zbekiston milliy teleradiokompaniyasi teleradio sohasida faoliyat yuritayotgan ijodkor xodimlar o‘rtasida 2014-yil uchun “MTRK sovrini” an’anaviy ko‘rik-tanlovi o‘tkazilishini e’lon qildi. Bu haqda “Turkiston-press” agentligi xabar berdi.
O‘zbekiston milliy teleradiokompaniyasining 2014-yil uchun “MTRK sovrini” an’anaviy ko‘rik-tanlovi “Eng yaxshi teledastur”, “Eng yaxshi radiodastur”, “Eng yaxshi informatsion dastur”, “Yil dasturida yoritilgan eng yaxshi tele-, radiomahsulot”, “Eng yaxshi milliy serial ssenariysi”, “Eng yaxshi tele-radiorolik”, “Eng faol hududiy muxbir”, “Eng faol yosh tele va radio boshlovchi” nominatsiyalari bo‘yicha o‘tkaziladi.
“MTRK sovrini” uchun an’anaviy ko‘rik-tanloviga taqdim etilgan ijodiy ishlar 2013-yil 1-apreldan 2014-yil 1-aprelgacha bo‘lgan muddatda tayyorlanib muntazam efirga uzatilgan, “Yil dasturida yoritilgan eng yaxshi tele-, radiomahsulot” nominatsiyasi bo‘yicha “Obod turmush yili”ga bag‘ishlangan eng yaxshi ijodiy ishlar taqdim etiladi.
Ko‘rik-tanlovning saralash bosqichi 20-maygacha mustaqil teleradiokanallar va hududiy teleradiokompaniyalar, shuningdek, televideniye, radio sohasida faoliyat ko‘rsatayotgan tashkilotlarda o‘tkaziladi.
Tanlovning yakuniy bosqichi iyun oyining ikkinchi o‘n kunligida bo‘lib o‘tadi.
G‘olib va rag‘batlantiruvchi o‘rin sohiblarini taqdirlash marosimi 27-iyun — Matbuot va ommaviy axborot vositalari xodimlari kuni arafasida tantanali ravishda o‘tkaziladi.
Izoh (0)