Braziliyalik vrach Virginiya Suares de Souza yettita bemorni o‘ldirganlikda ayblanayotgandi. Endilikda u 300 bafar bemorning o‘limida shubha ostida turibdi. Shifokorning bunday yo‘l tutishiga asosiy sabab shifoxonada joylarni bo‘shatish bo‘lgan. Bu haqda Reuters xabar bermoqda.
Braziliya huquq-tartibot organlari bemorlarga oid bo‘lgan 1800 dan ko‘proq yozuvlarni o‘rganishmoqda. Ular Kuritiba shahrida joylashgan Hospital Evangelico’ning yeti yildan beri Souza boshqarib kelayotgan intensiv terapiya bo‘limida davolanishgan.
Ushbu ishni o‘rganayotgan Mario Lobato mahalliy televideniyega bergan intervyusida “Biz ayni paytgacha 20 ta ishni ko‘rib chiqdik. Yana 300 ga yaqin ishni ko‘rishga tayyorlanayapmiz” dedi.
Tekshiruvlarga ko‘ra, shifokor va uning hamtovoqlari bemorlarni o‘ldirishda asosan bitta usuldan foydalanishgan. Ular bemorlarga mushaklarni bo‘shahshtiruvchi dori berishgan. Bu dorini ichgan odam sun’iy nafas olishga ehtiyoj sezadi. Jinoyatchilar ayni shu damda kislorod borishini kamaytirib qo‘yishgan. Natijada bemorlar havo yetishmasligi natijasida olamdan ko‘z yumgan.
Agarda 56 yoshli Virginiya Suares de Souzaning aybi tasdiqlanadigan bo‘lsa, bemorlarni o‘ldirish bo‘yicha “O‘lim doktori” nomini ogan Harold Shimpandan o‘tib ketadi. Shimpan XX asrda Buyuk Britaniyada yashagan va 200 dan ortiq bemorni hayotiga zomin bo‘lgan.
Izoh (0)