YouTube’даги WhistlinDiese канали муаллифлари кареталарда фойдаланиладиган ғилдирак ўрнатилган 717 от кучига эга Dodge Challenger SRT Hellcat’ни синовдан ўтказди. Конструкция етарли даражада мустаҳкам бўлиб чиққан ва нафақат автомобиль оғирлигини кўтарган, балки шаҳар бўйлаб ҳаракатга ҳам чидаган, деб хабар беради Motor.
Алюминийдан тайёрланган ва юпқа шиналар кийгизилган ғилдираклар Challenger SRT Hellcat’га ўзгача кўриниш бағишлаган. Шаҳар бўйлаб ҳаракатланиш вақтида ролик муаллифлари супермаркет ва «Макдоналдс»га кирган, кўчадаги одамларнинг аксарияти автомобилга эътиборини қаратган — айримлар машинани суратга туширган бўлса, баъзилар лойиҳа ҳақида маълумот сўраган.
Автомобиль бир жойда турган ҳолда шиналарни қиздириш («бёрнаут») ҳақиқий синовга айланиб кетган. «Резинани ёқиш» учун шаҳар ташқарисига чиқишга ва асфальтланган кичикроқ йўл топишга тўғри келган. Аввалига Challenger ғилдираклари остидан тутун чиқа бошлаган, бироқ шундан сўнг покришка бутунлай йўқолиб кетган, ғилдирак омон қолган бўлса-да, йўлни чуқур тирнаб ташлаган.
Dodge Challenger SRT Hellcat дунёдаги энг кучли маслкарлардан бири ҳисобланади. У 717 от кучига эга (881 Нм) 6,2 литрли V8 бензин двигатели ёрдамида ҳаракатга келади. Бу каби мотор ёрдамида машина соатига 100 километр тезликка 3,9 сонияда эришади, максимал тезлиги — 320 км/соат.