Саудия Арабистонининг Жидда шаҳридаги номусулмонлар қабристонида содир бўлган портлашда камида тўрт киши жароҳат олди, деб хабар бермоқда Meduza.
Reuters’нинг Греция ҳукуматининг исмини ошкор қилмаган амалдорига таяниб маълум қилишича, жабрланганлар енгил тан жароҳати олган. Унинг айтишича, жароҳатланганлардан бири ушбу мамлакат фуқароси.
Биринчи жаҳон уруши тугаганининг 102 йиллигига бағишланган тантанали маросимда қабристонда қўлбола портловчи мослама ишга туширилган.
Франция Ташқи ишлар вазирлиги ушбу маросимда Европа Иттифоқининг бир қатор мамлакатларидан дипломатлар, хусусан, Франция консуллиги ходимлари иштирок этганини маълум қилди, деб хабар бермоқда «Аль-Жазира».
Франция Ташқи ишлар вазирлиги Саудия Арабистонидаги фуқароларини содир бўлган воқеалар сабабли имкон қадар ҳушёр бўлишга чақирди.
BBC’нинг ёзишича, Саудия Арабистонида бўлган франциялик журналист Кларенс Родригес Twitter’да ҳодиса оқибати акс этган сурат жойлади. Унда тиббий ёрдам кўрсатилаётган жабрланган киши ҳам кўринган.
#ArabieSaoudite Tentative d'attentat ce matin au cimetière des non-musulmans à #Jeddah. Lors de la cérémonie du #11Novembre. En présence du Consul Général de France, 🇮🇪, 🇬🇧...& expatriés français. Des blessés...
— Clarence Rodriguez (@Clarencewoman) November 11, 2020
15j après attaque au couteau au Consulat, la France encore visée !? pic.twitter.com/whjBGlLdad
Қабристондаги портлаш сўнгги икки ҳафта ичида Жидда шаҳрида содир бўлган иккинчи жиддий воқеа бўлди. 29 октябрда ушбу шаҳарда жиноятчи Франция консуллиги қўриқчисига пичоқ билан ҳужум қилган, тажовузкор қўлга олинганди.