Енгил вазн тоифасида собиқ UFC чемпиони Ҳабиб Нурмагомедов Мадриднинг “Реал” клубига илиқ фикрлар билдирди. Спортчи болалигидан футбол мухлиси эканини ва вақти келиб, дунёнинг энг гранд клублари уни меҳмонга таклиф қилишини тасаввур ҳам қилмаганини таъкидлади.

“Болалигимдан футболни кузатаман. Ўша вақтлари дунёнинг энг яхши клублари мени ўз қароргоҳларига таклиф қилиши тушимга ҳам кирмаган эди. Шу вақтгача жуда кўп стадионларда бўлдим, турли жамоаларнинг машғулот базаларини кўрдим. Аммо ‘Реал Мадрид’ — ҳамиша қалбимда”, деб ёзди Нурмагомедов ижтимоий тармоқдаги саҳифасида.

Маълумот учун, Ҳабиб Нурмагомедов кўп йиллардан буён Мадрид клубига мухлислик қилиши билан танилган. У бир неча бор жамоа ўйинларига ташриф буюрган ва клуб юлдузлари билан яқиндан мулоқотда бўлган.

Эслатиб ўтамиз, 37 ёшли Ҳабиб Нурмагомедов MMA’да 29 та жанг ўтказиб, уларнинг барчасида ғалаба қозонган. У 2018 йил апрель ойида енгил вазн тоифасида UFC чемпионлик камарини қўлга киритган. Шунингдек, унинг 2018-йилда Конор Макгрегорга қарши ўтказган жанги UFC тарихидаги энг кассабоп жанглардан бири бўлган. Нурмагомедов сўнгги марта 2020 йил октябрь ойида Жастин Гетжига октагонга чиқиб, шундан сўнг фаолиятини якунлаган.