Кўп йиллар йўл патруль хизмати тизимида ишлаб, пора олишга одатланиб қолган Азиз Турдиевнинг иқрорномаси «Даракчи» нашрида чоп этилди, деб хабар бермоқда «1news.uz».

Foto: “Dumskaya.net” /> Фото: «Dumskaya.net»

«Шайтон йўлдан урдими, нафсим устунлик қилдими, йўл қоидасини бузган ҳайдовчилардан пул тама қилиш одатини чиқардим. Борган сари ҳайдовчилардан кўпроқ пул оладиган бўлдим. Атрофдагиларга паст назар билан қарайдиган, унча-мунча нарсани писанд қилмайдиган бўла бошладим», – деб собиқ йўл нозири А.Турдиевнинг «Даракчи» газетасидаги сўзларини келтиради «1news.uz». «Унинг пушаймон бўлиб тавба қилишига ўғлининг автоҳалокатга учраб, ногирон бўлиб қолгани сабаб бўлган. Тафсилотларга қараганда, А.Турдиев маст ҳолда машина бошқариб кетаётган ҳайдовчидан 200 минг сўм пора олиб уни қўйиб юборган. Орадан бир неча соат ўтиб, айнан ўша ҳайдовчи унинг ўғлини уриб юборган. Қайд этилишича, қоидабузар ҳайдовчига қонун доирасида чора кўрилган. А.Турдиевнинг ўзи эса ички ишлар тизимидан кетгани хабар қилинган», — дейилади хабарда.