Жорий йилнинг 2 октябрь куни “Қоракўл” подстанциясида 2 нафар мутахассис техник носозлик натижасида вафот этган. Бу ҳақда “Ўзбекистон миллий электр тармоқлари” акциядорлик жамияти матбуот хизмати “Дарё”га маълум қилди.
Айтилишича, жамиятнинг “Бухоро магистрал электр тармоқлари” филиалига қарашли 500 кВ кучланишли “Қоракўл” подстанциясида 2 нафар мутахассис ўлимига сабабчи бўлган бахтсиз ҳодиса содир бўлган.
Содир бўлган бахтсиз ҳодиса тўғрисида шу куннинг ўзида тегишли органларга хабар берилган. Айни пайтда ҳодиса сабаблари ўрганилмоқда.
Қўшимча қилинишича, марҳумларнинг оилаларига барча компенсация тўловлари амалга оширилиши таъминланади.
Ток уриш ҳолатлари
Сентябрь ойи охирида Фарғонада поезд устида селфи тушмоқчи бўлган икки синфдошни ток урган. Август ойида эса Қаршидаги бассейнда 18 ёшли йигитни ток урди. У шифохонага етмай вафот этган. Май ойида Тошкент вилоятида радар ўрнатаётган 26 ёшли муҳандис ток уришидан ҳаётдан кўз юмган. Апрель ойида Тошкентда ток уриши оқибатида вафот этган ўқувчи ўқиган мактаб директори ва унинг ўринбосари қамалганди.
Изоҳ (0)