Ижтимоий тармоқларда Наманган вилоятининг Поп тумани собиқ ҳокими Аъзамжон Султоновнинг лавозимидан озод этилганини оила аъзолари хурсандлик билан қарши олгани акс этган лавҳа тарқалди. Бу ҳақда “Дарё” мухбири Азизбек Абдувалиев хабар бермоқда.
Лавҳада Аъзамжон Султоновнинг набираси Поп тумани аҳлига миннатдорлик билдираётганини кўриш мумкин.
Фото: Фурқат Эрматов
“Азиз попликлар, сизлар отам лавозимдан кетганларидан хафа бўлган бўлсангиз, биз аксинча, мамнунмиз. Чунки ниҳоят бағримизга қайтдилар. Отам сизларни яхши кўради, биз эса у кишини жуда яхши кўрамиз. Уйга қайтганларидан, энди биз билан кўпроқ бирга бўлишларидан хурсандмиз”, дейилади лавҳада.
Фото: Фурқат Эрматов
Маълумот учун, Аъзамжон Султонов 2017 йилда Наманган вилояти ҳудудининг деярли ярмини ташкил этувчи Поп туманига ҳоким этиб тайинланганди. Жорий йил 27 май куни бўлиб ўтган халқ депутатлари Поп тумани Кенгашининг навбатдан ташқари сессиясида 64 ёшни қаршилаётган Султоновнинг саломатлигига кўра вазифасидан озод этиш ҳақида аризаси қондирилди.
Изоҳ (0)