Ўзбекистонда “Крипто-активлар айланмаси соҳасидаги хизматлар провайдерлари фаолиятини амалга оширишга лицензиялар берилганлиги учун давлат божи миқдорларини белгилаш тўғрисида”ги буйруқ 17 декабрь куни Адлия вазирлигида давлат рўйхатидан ўтказилди.
Унга кўра, крипто-активлар айланмаси соҳасидаги хизматлар провайдерлари фаолиятини амалга оширишга лисензиялар берилгани учун давлат божи миқдорлари тўлаш санасида амалда бўлган базавий ҳисоблаш миқдорининг қуйидаги бараварларида белгиланади:
- крипто-биржа учун – 73 400 (27,525 миллиард сўм).;
- майнинг-пул учун – 3 000 (1,125 миллиард сўм);
- крипто-депозитарий учун – 7 000 (2,625 миллиард сўм);;
- крипто-дўкон учун – 3 700 (1,3875 миллиард сўм);.
Бож миқдори 18 декабрь ҳолатига кўра кўрсатилди.
2023 йил 1 январдан эътиборан Ўзбекистон фуқаролари ва юридик шахслар крипто-активлар билан боғлиқ операцияларни фақат миллий провайдерлар орқали амалга оширилиши белгиланган.
2024 йил январида Ўзбекистонда крипто-активларни қонунга хилоф равишда олганлик учун маъмурий жавобгарлик белгиланди. Крипто-активларни қонунга хилоф равишда олиш, ўтказиш ёки айирбошлаш, лицензия олмасдан крипто-активлар айланмаси соҳасидаги хизматлар провайдерлари фаолиятини амалга ошириш 15 суткагача маъмурий қамоққа олишга ёки маъмурий қамоқ қўлланилиши мумкин бўлмаган шахсларга БҲМнинг 20 бараваридан 30 бараваригача миқдорда жарима солишга сабаб бўлади. Бунда крипто-активларни ҳамда мазкур ҳуқуқбузарликларни содир этиш қуроллари мусодара қилинади.
2019 йил декабрь ойида Kobea Group Ўзбекистонда криптобиржа фаолиятини юритиш учун лицензия олган биринчи ташкилот бўлганди.
Изоҳ (0)