38 ёшли Аргентина терма жамоаси ва “Интер Майами” футболчиси Лионель Месси пенальтисиз урилган голлар сони бўйича яна рекордчи бўлди. Месси бу кўрсаткич бўйича “Ан-Насср” ҳужумчиси ва сардори португалиялик Криштиану Роналдудан ўзиб кетди.
Бугун, 20 июль куни MLS лигасидан ўрин олган “Интер Майами”—“Нью-Ёрк Red Bullз” жамоалари ўртасидаги учрашув якунланди. Унда Месси жамоаси рақиблари устидан 5:1 ҳисобида ғалаба қозонди. Месси бу ўйинда иккита гол урди ва яна битта голли узатма амалга оширди. Аргентиналик футболчи иккала голни ҳам ўйиндан киритди.
Эндиликда 38 ёшли ҳужумчининг фаолиятидаги пенальтисиз голлари сони 764 тага етди, Роналдуда эса – 763 та. Умумий ҳисобда Лионель Месси фаолияти давомида 1114 та ўйинда 874 та гол (шундан 110 таси пенальти орқали) урган бўлса, Роналду 1281 та ўйинда 938 та гол (шундан 175 таси пенальти орқали) муаллифи бўлган.
Изоҳ (0)