Англиянинг “Челси” клуби ҳужумчи Михайло Мудрик устидан судга мурожаат қилиши мумкин. Бу ҳақда The Athletic нашри хабар берди.
Агар Мудрикнинг допинг қоидаларини бузганлиги тўлиқ исботланса, клуб унга қарши меҳнат шартномасини бузганлик учун даъво қўзғатмоқчи. “Челси” футболчини “Шахтёр”дан 100 миллион еврога сотиб олган эди (70+30 бонус). Агар украин футболчисининг айби исботланса, бу сармоя катта хавф остида қолиши мумкин. Мудрик эса тўрт йилгача футболдан четлаштирилиши мумкин.
Бошқа бир нашр эса клубнинг судга мурожаат қилиши эҳтимолдан йироқ эканлигини маълум қилган. Чунки бу ҳолат “Челси” имижига салбий таъсир кўрсатиши ва бошқа футболчиларни жалб қилишда қийинчилик туғдириши мумкин.
Аввалроқ Англия Футбол Ассоциацияси (FA) Мудрикни антидопинг қоидаларини бузишда айбли деб топган эди. Бироқ бу ҳали тўлиқ исботланмаган.
Эслатиб ўтамиз, 24 ёшли Михайло допинг тестида мусбат натижа қайд этилгани учун вақтинча футболдан четлаштирилганди. У ноябрь ойида миллий жамоада ўйнаганидан сўнг тест топширган ва шундан бери майдонга чиқмаяпти.
Изоҳ (0)