Transfermarkt портали Испания Ла Лигасида ҳаракат қиладиган футболчиларнинг трансфер қийматини янгилади. Маълумотларга кўра, “Реал Мадрид”нинг бразилиялик юлдузи Винисиус Жуниорнинг бозор баҳоси 30 миллион еврога пасайиб, 170 миллион еврога тенг деб баҳоланмоқда.
Шунингдек, Испания чемпионатининг ва умуман дунё футболининг энг қиммат футболчиси деб “Барселона” вингери Ламин Ямал эътироф этилди. Унинг трансфер қиймати 200 миллион еврога етди.
“Реал”нинг франциялик ҳужумчиси Килиан Мбаппе ҳам 10 миллион еврога қимматлашган ва ҳозирда унинг нархи 180 миллион еврога тенг. “Қироллик клуби”да шунча қийматга эга яна бир футболчи бор — Жуд Беллингем. Айни пайтда у ҳам Мбаппе билан бирга “Реал”нинг энг қиммат футболчиларидан бири ҳисобланади.
Шунингдек, “Барселона” ярим ҳимоячиси Педрининг қиймати ҳам 20 миллион еврога қимматлашган. Айни пайт испаниялик футболчининг нархи 140 миллион еврони ташкил қилади.
Изоҳ (0)