Ўзбекистонда молия секторини рақамли трансформация қилиш доирасида "АНОР БАНК" АЖ ва "Пенкиų континентų банкинėс течнологижос" (БС/2) ёпиқ акциядорлик жамияти ўртасида ҳамкорлик меморандуми имзоланди. Тантанали маросимда ANORBANK Бошқарув раиси ўринбосари Элёр Наджимитдинов ва Пенки Континентаи компаниялар гуруҳи Бошқарув раиси Идракас Дадашовас иштирок этдилар.
Меморандум банкларда ўз-ўзига хизмат кўрсатиш ва тўлов инфратузилмасини ривожлантириш соҳасидаги лойиҳаларни биргаликда амалга оширишга қаратилган. Унинг мақсади ANORBANK мижозлари учун молиявий хизматларнинг қулайлигини оширишдан иборат.
Элёр Наджимитдинов, ANORBANK Бошқарув раиси ўринбосари:
"ANORBANK ўзини янги авлод рақамли банки сифатида намоён этмоқда. Биз эндигина беш ёшга тўлган бўлсак-да, шу қисқа вақт ичида сезиларли натижаларга эришдик — хусусан, ҳозиргача 3,3 миллиондан ортиқ банк карталарини чиқардик. Бугунги кунда биз рақамли хизматларимизни тўлдирувчи жисмоний инфратузилмамизни янада кенгайтириш ва мустаҳкамлаш зарурлигини кўрмоқдамиз. Шунингдек, саъй-ҳаракатларимиз корпоратив бизнес, кичик ва ўрта тадбиркорлик сегментига ҳам қаратилган. Улар учун 24/7 режимида тезкор ва чекловларсиз инкассация қилиш имконияти бўлиши жуда муҳим. Белгиланган мақсадларнинг аҳамиятини тушунган ҳолда, биз Ўзбекистонда БС/2 вакиллик қиладиган Диэболд Нихдорф компаниясини ҳамкор сифатида танладик.
Ҳамкорлигимиз доирасида меморандум имзоландик ва биринчи босқичдаёқ ANORBANK 100 та замонавий ўз-ўзига хизмат кўрсатиш қурилмаларини харид қилмоқда. 2025 йил давомида улар етказиб берилиши, ўрнатилиши ва бутун мамлакат бўйлаб мижозларимизга хизмат кўрсатишни бошлашини, уларга банк билан ўзаро алоқанинг янги, мослашувчан ва самарали усулларини таклиф этишини кутмоқдамиз. Ишончим комилки, бу Ўзбекистонда замонавий ва барқарор молиявий хизматлар экотизимини яратиш йўлида муҳим қадам бўлади".
Асосий янгиликлар орасида мижозлар учун кенг кўламли хизматларни жорий этиш, жумладан, нақд пулни киритиш ва ечиб олиш амалиётлари, банк ҳисобварақлари билан тўғридан-тўғри ишлаш, товарлар ва хизматлар учун тўловлар, шунингдек валюта айирбошлаш кабилар бор.
Меморандум имзоланиши ўз-ўзига хизмат кўрсатишнинг янги технологик платформасини яратиш йўлидаги муҳим қадамдир. Келгуси йиллар давомида ANORBANK БС/2 билан биргаликда келишувларни амалда татбиқ этишга эътибор қаратади: банкоматлар тармоғини кенгайтиришдан тортиб, интеллектуал дастурий таъминот ва мониторинг тизимларини жорий этишгача.
Телефон: 1290.
Сайт: anorbank.uz
Facebook: fb.com/anorbank
Instagram: @anorbank
Telegram: т.ме/анорбанк
Реклама ҳуқуқи асосида
Изоҳ (0)