Еврокомиссия 4 апрель куни Ўзбекистонда бўлиб ўтадиган “Европа иттифоқи—Марказий Осиё” саммитини Европа иттифоқининг чет эл ҳамкорлари билан савдо алоқаларини хилма-хиллаштириш стратегияси доирасида АҚШ божхона тўловларига Европанинг жавоби элементларидан бири сифатида кўрмоқда. Бу ҳақда Еврокомиссия раҳбари Урсула фон дер Ляйен Страсбургдаги Европарламент сессиясида маълум қилган.
“Бизнинг (АҚШ тарифларига жавоб) стратегиямизнинг таркибий қисми савдони хилма-хиллаштириш бўлади. Савдо бизнес бор жойга йўналади. Европа аллақачон 76 та мамлакат билан савдо битимларига эга ва Европа иттифоқи бу тармоғини кенгайтирмоқда.
Европа кенгаши раиси Антониу Кошта ва мен шу ҳафта охирида Самарқандга, Европа иттифоқи ва Марказий Осиё давлатлари ўртасидаги илк тарихий саммитга йўл оламиз”, деди у.
Аввалроқ Европа иттифоқининг ташқи ишлар ва хавфсизлик сиёсати бўйича олий вакили Кая Каллас Россияга қарши санкциялар Марказий Осиё мамлакатларининг иқтисодиётига зарар етказаётган бўлса-да, уларни бу минтақа орқали четлаб ўтишига йўл қўйиб бўлмаслигини билдирганди.
Изоҳ (0)