Тошкент шаҳрида блогер аёл кимдир “Гелик” автомашинасининг ойналарини синдириб кетганини айтиб, видео жойлаган эди. Ҳолат юзасидан суд бўлиб ўтди.
Аёл видеода бу ишни ким қилганини билмаслигини, бундан қаттиқ дили оғриганини йиғлаб айтиб берган. Бироқ кейинчалик маълум бўлишича, мазкур иш уюштирилган бўлган. Яъни блогер аёл эри билан биргаликда қариндошларига “пранк” қилиш мақсадида ўз машинасига зарар етказган.
Шундан сўнг улар ижтимоий тармоқда чиқиш қилиб, барчадан узр сўради. Ҳолат юзасидан ўтказилган суд жараёнида маълум бўлишича, эркак ўз жиянига мазкур ишни қилишни буюрган.
Суд қарори билан ёлғон ахборот тарқатган уч нафар ҳуқуқбузарга жарима жазоси тайинланди: улардан икки нафари 18 млн 750 минг сўм жаримага, учинчи шахс эса 1 млн 875 минг сўм жаримага тортилди.
Самарқандда ахлоққа зид ҳаракатлар қилиб, ижтимоий тармоқ “юлдузи”га айланганлар узр сўраб чиқди.
2024 йилнинг июнь ойида 21 ёшли қиз вилоятликларни тилга олиб бўлмас сўзлар билан ҳақорат қилиб, шу қилмиши учун 15 суткага қамалганди. Ўша йилнинг июль ойи ўртасида Instagram’даги жонли эфирда “қишлоқилар одаммас” дея ҳақоратлаган қиз жаримага тортилган эди. Instagram’да салбий фикр билдирган кузатувчиларга жавоб тариқасида беҳаё сўзлар билан вилоятликларни ҳақорат қилган қиз 10 суткага қамалганди.
Шунингдек, Тошкент аҳолисини ҳақорат қилган қиз 10 суткага қамалган эди.
Изоҳ (0)