Фарғона вилояти Бешариқ туманидаги ариқдан 2 ёшли бола ўлик ҳолда топилди. Бу ҳақда Бош прокуратура “Дарё”га хабар берди.
Келтирилишича, Бешариқ туман прокуратурасига туман ИИБ навбатчилик қисмидан 24 март куни соат 21:00 да келиб тушган хабарга кўра, маҳаллий ариқ ичидан 1-2 ёшлар атрофидаги вояга етмаган шахси номаълум ўғил бола мурдаси аниқланган.
Мазкур хабарга асосан мазкур ҳудуд тезкор-тергов гуруҳи томонидан крим-техника воситалари ёрдамида кўздан кечирилиб, барча процессуал ҳаракатлар амалга оширилди ва ҳужжатлар расмийлаштирилди. Дастлабки хулосага кўра, шахси номаълум мурданинг танасида тан жароҳатлари аниқланмаган — унинг ўлимига нафас йўлларини сув билан беркилиши натижасидаги механик асфиксия сабаб бўлгани кўрсатилган.
Олиб борилган тезкор қидирув тадбирлари давомида унинг шахсига аниқлик киритишнинг имкони бўлмаган. Ҳозирда Бешариқ туман прокуратураси томонидан терговга қадар текширув олиб борилмоқда ва ижроси назоратга олинди.
Тошкентнинг Чилонзор туманидан оқиб ўтувчи Бўрижар каналида 3 киши чўкиб кетгани тўғрисида хабар берилганди. Шунингдек, Сирдарёда ўқувчилар бўлган Gentra каналга тушиб кетиши оқибатида эгизаклар сувда ҳалок бўлган эди.
Изоҳ (0)