Ўзбекистоннинг диққатга сазовор шаҳарларидан бирига парвозлар 20 мартдан бошланади. Авиачипталар нархи 337 000 сўмдан бошланади.
Андижон гўзал Фарғона водийсида жойлашган бўлиб, Марказий Осиёдаги энг қадимий шаҳарлардан биридир. Бу шаҳар ўзининг ҳунармандлари – кулолчилик ва бадиий ўймакорлик усталари билан машҳур, олтин ва кумуш безаклари эса водийдан ташқарида ҳам машҳур. Андижонда Ўзбекистон моддий маданий мероси рўйхатига киритилган 50 дан ортиқ тарихий ва меъморий ёдгорликлар мавжуд. Улар орасида II-VIII асрларга оид бир неча турар-жой маҳаллалари, масалан, Деҳқонобод, Сарвонтепа ва бошқалар бор. Шунингдек, XVI асрга оид Арк ичи мадрасаси, ХIX аср охиридаги мадраса ва минорадан иборат Жомий меъморий мажмуаси, бир нечта масжидлар, зиёратгоҳлари ҳам диққатга сазовор жойлар сирасига киради.
20 мартдан бошлаб ушбу қадимий шаҳар тошкентликлар ва ўзбекистонлик меҳмонлар учун янада яқин бўлади. Uzbekistan Airways гуруҳига кирувчи Silk Avia авиакомпанияси Тошкент – Андижон – Тошкент йўналиши бўйича мунтазам авиақатновларни йўлга қўймоқда. Парвозлар АТР 72-600 ва ЛЕТ-410 ҳаво кемаларида сешанба ва пайшанба кунлари амалга оширилади ва парвоз вақти 1 соатни ташкил этади.
• Тошкентдан жўнаб кетиш 11:20, Андижонга келиш 12:20.
• Андижондан жўнаб кетиш 13:00, Тошкентга етиб келиш 14:00.
Бир томонга авиачипталарни 337 000 сўмдан, Тошкент Андижон – Тошкент йўналиши бўйича эса 674 000 сўмдан харид қилишингиз мумкин!
Авиачипталар аллақачон сотувда! Уларни silk-avia.com сайтида, Silk Avia иловаси орқали, Ўзбекистоннинг барча халқаро аэропортларида, шунингдек, Uzbekistan Airways Sales филиалида харид қилиш мумкин.
Silk Avia билан Ўзбекистоннинг янги уфқларини кашф этинг.
Изоҳ (0)