Хитой Тайванга кенг кўламли ҳужум эҳтимоли учун техника ва қўшин ташишга мўлжалланган десант баржаларини тез суръатда қурмоқда. Бу ҳақда Naval News хабар берди. Гуанчжоу шаҳрида ҳозирда бешта шундай кема қурилмоқда ва ҳар бирининг тайёр бўлиши атиги бир неча ой вақт олмоқда. Аввалги моделлардан каттароқ бўлган бу кемалар сўнгги йилларда пайдо бўла бошлади. Ушбу баржалар тахминан 120 метр узунликдаги махсус кўприклар билан жиҳозланган бўлиб, улар қирғоқ бўйи қумли ҳудудларини босиб ўтиб, қаттиқ қопламали йўллар ёки соҳил йўлларига чиқишга имкон беради. Хитой ижтимоий тармоқларида эълон қилинган видеоларда шундай баржалардан бирининг ишлаш жараёни кўрсатилган. Кеманинг кўприги қирғоқ билан туташиб, техниканинг бевосита қуруқликка тушишига шароит яратган. Хитой десант кучларини кенгайтирмоқда Сўнгги ўн йил ичида Хитой ҳарбий-денгиз флоти десант операциялари салоҳиятини сезиларли даражада кенгайтирди. Замонавий десант воситалари таркибига: Сўнгги маълумотларга кўра, Хитойнинг десант флоти бир вақтнинг ўзида 6000 нафаргача ҳарбий хизматчини ташиш имкониятига эга. Бироқ Тайванга бостириб кириш осон бўлмайди Таҳлилчиларга кўра, агар Хитой Тайванда ғалаба қозонмоқчи бўлса, камида икки миллион аскарни жойлаштириш керак бўлади. Бироқ оролда десант тушириш мумкин бўлган пляжлар чекланган ва уларнинг барчаси кучли мудофаа билан мустаҳкамланган. Шу сабабли, баржалар каби янги десант воситалари Хитойнинг узоқ муддатли ҳарбий стратегиясининг бир қисми бўлиши мумкин. Бундай баржалардан фойдаланиш ғояси Иккинчи жаҳон урушида иттифоқчиларнинг Нормандияга қўниши учун қурилган вақтинчалик порт инфратузилмаси — Mulberry Harbors'га ўхшайди. Шунингдек, бу технология Байден маъмурияти томонидан Ғазога инсонпарварлик ёрдамини етказиб бериш учун кўриб чиқилган АҚШнинг ЖЛОТС логистика тизимига ҳам ўхшаш. Бироқ уни реал шароитда қўллаш об-ҳаво ва оператив вазиятга боғлиқ бўлади.
Мавзуга доир
×![Lightbox Image]()
Изоҳ (0)