Ўргимчак одам роли орқали барчага таниш бўлган 28 ёшли актёр Том Ҳолланд АҚШ дўконларидан бирига кириб, ўзининг бренди остида чиқарилган алкоголсиз пиво — Patrón Tequila’ни харид қилмоқчи бўлди. Аммо сотувчи уни танимади ва актёрга катталар учун мўлжалланган ушбу ичимликни сотишни рад этди.
Том жуда ёш кўрингани учун ундан ёшини тасдиқлаш учун ҳужжат сўрашди. Актёр эса Британияда олган шахс гувоҳномасини тадқим этди, аммо унда актёрнинг ёши кўрсатилмаган эди.
Бу воқеа интернетда тез тарқалиб, кўплаб ҳазилларга сабаб бўлди:
“Ҳатто Ўргимчак одам ҳам баъзида оддий ҳаётий қийинчиликларга дуч келар экан-да”, дея изоҳлар қолдиришди. Томнинг ўзи ҳам бу воқеани ижобий қабул қилди:
Бу воқеа менинг ҳаётимни икки оғиз сўз билан тасвирлаб беради, деди у.
Том Ҳолланд спиртли ичимликларни истеъмол қилмайди, шу сабабли у таркибида алкоголь бўлмаган, аммо уларнинг аналогларидан ажралиб турмайдиган премиум пиволар сотувини йўлга қўйишга қарор қилди. Унинг фикрича, инсонларнинг саломатлигига зарар етказмайдиган бундай ичимликлар жамоа ва дўстлар гуруҳидан ажралиб қолмасликка ёрдам беради.
Изоҳ (0)