Бразилия собиқ президенти Жаир Болсонару 2022 йилги сайловлардаги мағлубиятидан сўнг ҳукуматни ағдариш ва мамлакатнинг 40 йиллик демократиясига путур етказиш бўйича фитнага раҳбарлик қилишда айбланди. Бу ҳақда Reuters хабар берди.
-u-Cv9onC.jpg)
Айбловлар президент Лула да Сильва лавозимига киришганидан бир ҳафта ўтиб, 2023 йил бошида Болсонару тарафдорлари томонидан пойтахтда тартибсизликлар билан якунланган сайловни рад этиш ҳаракати билан боғлиқ. Полиция бу ҳолатни икки йил давомида тергов қилган.
2022 йилги давлат тўнтариши режаси сайланган президент (Лула да Сильва) ва вице-президентни (Жералду Алкмин), шунингдек, Олий суд судьясини (Алешандри ди Мораиса) ўлдиришгача бўлган чораларни назарда тутган. Болсонару бу режани маъқуллади, дейилади прокуратура баёнотида.
Айблов хулосаси Бразилия Олий судига топширилди. Собиқ президент 12 йилдан 40 йилгача қамоқ жазосига ҳукм қилиниши мумкин.
Прокуратуранинг таъкидлашича, Болсонару ва яна 33 киши, хусусан, 2022 йилда вице-президентликка номзод бўлган Уолтер Брага Нетт ҳам “демократик ҳуқуқий давлатда ҳокимият бўлиниши принципига зид бўлган ҳаракатларни қўзғатиш ва амалга оширишда” айбланмоқда.
Бундан ташқари, Болсонару 2023 йил январидаги тартибсизликларга алоқадорликда айбланган прокуратура маълумотларига кўра, у бу тартибсизликларга ўз тарафдорларини ҳамроҳ қилган. Улар полиция қуршовини ёриб ўтиб, парламент, Олий суд ва президент қароргоҳига бостириб кирган.
Болсонару 69 ёшда. Расмийлар унга 2030 йилгача президентликка номзодини қўйишни тақиқлаган, бироқ у амалдаги президентга фаол мухолифатда бўлиб, 2026 йилда бўлиб ўтадиган президентлик сайловларида иштирок этишга рухсат олиш ниятида.
Изоҳ (0)