2020 йилдан буён ёши кичрайтирилган 8 нафар футболчи аниқланди, деб хабар бермоқда Ўзбекистон Профессионал футбол лигаси.
Маълум қилинишича, ЎзПФЛ 2020 йилдан буён Адлия органлари билан ҳамкорликда ишлаб, ҳар мавсум сўнгида ўзининг илк профессионал меҳнат шартномасини имзолаган футболчилар рўйхатини шакллантиради ва улар орасидан ёши кичрайтирилган футболчиларни аниқлайди.
Шу тартибга асосан, ЎзПФЛ 2024 йилги мавсумда илк профессионал шартномасини имзолаган футболчилар рўйхатини Адлия органларига тақдим этган.
Аниқланишича, рўйхатда мавжуд бўлган 364 нафар футболчидан фақатгина бир нафарида бу каби муаммо мавжуд. Яъни, футболчи аслида 2004 йил туғилган бўлсада, унинг 2006 йилда туғилганлигини тасдиқловчи ҳужжат ЎзПФЛ рўйхатидан ўтказилган.
Адлия вазирлиги мазкур хулосани тақдим этгач, ЎзПФЛ футболчини рўйхатдан ўтказган клубдан унинг тегишли ҳужжатларини ҳақиқий туғилган йили бўйича қонун доирасида расмийлаштиришни 7 февралга қадар амалга оширишни талаб қилган ва унинг ҳужжатлари ҳақиқий туғилган йили бўйича расмийлаштирилган.
ЎзПФЛ 2020 йилдан буён бир қатор футболчиларни ўз ҳужжатларини ҳақиқий туғилган йили бўйича расмийлаштирилишига эришди:
- 2020: 1 нафар (Қашқадарё вилояти)
- 2021: 3 нафар (Жиззахдан 2 нафар ва Тошкент вилояти)
- 2023: 3 нафар (Қашқадарёдан 2 нафар ва Самарқанд вилояти)
- 2024: 1 нафар (Тошкент вилояти).
Изоҳ (0)