Лондоннинг “Арсенал” клуби ярим ҳимоячиси Букайо Сака жароҳати оғирлашиши хавфи туфайли яна саккиз ҳафта ўйнамаслиги мумкин. Бу ҳақда The Sun хабар бермоқда.
Манба маълумотига кўра, “Арсенал” бош мураббийи Микель Артета, фақат Леандро Троссард, Раҳим Стерлинг ва 17 ёшли Итан Нванери ҳужумкор ярим ҳимоячиларгина таркибда қолганида, Саканинг тўлиқ тикланиши учун хавфга бормасликка қарор қилган. У яна 4 ой сафга қайтмаслиги мумкин.
Маълумот учун, 23 ёшли инглиз футболчиси 21 декабрда “Кристал Пэлас”га қарши Англия чемпионати 17-турида (5:1) 24-дақиқада майдонни тарк этган. Кейинчалик футболчи жарроҳлик амалиётини ўтказди.
Жорий мавсумда ҳужумчи “Арсенал” сафида АПЛнинг 16 та ойинида майдонга тушиб, 5 та гол урди ва 10 та голли узатма берди. Шунингдек, Сака Чемпионлар Лигаси гуруҳ босқичида 5 та ўйинда 4 та гол урди ва 2 та голли узатма амалга оширди.
Изоҳ (0)