Тошкент вилояти Олмалиқ шаҳрида 51 ёшли аёл ис газидан вафот этди. Бу ҳақда “Дарё”га Бош прокуратура ахборот хизмати раҳбари Ҳаёт Шамсутдинов хабар қилди.
23 январь куни Олмалиқ шаҳар ИИБ Навбатчилик қисмидан келиб тушган хабарга кўра, Олмалиқ шаҳар, Камолот кўчасидаги уйда яшовчи 1974 йилда туғилган аёл Д.Х. ўз яшаш хонадонида вафот этгани ҳақида хабар келиб тушган.
Суд-тиббий экспертиза бюросининг дастлабки маълумотномасига кўра унинг ўлими ўткир ис газидан заҳарланиш натижасида юзага келган ўткир юрак-қон томир ва нафас етишмовчилиги оқибатида вафот этганлиги кўрсатилган.
Ижтимоий тармоқларда тарқалган хабарга кўра, кечки вақт газга қайнатиш учун қўйилган идишдаги сув қайнайвериб суви тугаб қолса-да, газ ёниб тураверган. Натижада ухлаб ётган уй бекаси заҳарланиб вафот этган. Марҳуманинг эри уйғониб газни ўчирган, унда ҳам заҳарланиш аломатлари борлиги учун шифохонага ётқизилган.
Ҳозирда шаҳар прокуратураси томонидан терговга қадар текширув ҳаракатлари олиб борилмоқда.
Изоҳ (0)