“Манчестер Сити” футболчиси Абдуқодир Ҳусанов клуб сафида илк бор интервью берди.
Ҳусанов нега айнан ушбу клубни танлагани, нима учун 45-рақамни танлагани хусусида гапирди.
“Манчестер Сити” – дунёнинг энг яхши жамоаларидан бири. Мен бу ерга соврин ютиш учун келдим. Мен ҳар доим қийинчиликларга учраб келганман... Ҳеч нарсада тўхташ йўқ. Бу нафақат мен учун, балки бутун Ўзбекистон учун катта муваффақият.
Беларусдаги жамоамда 45-рақамда ўйнаганман. Шу сабаб бу ерда ҳам 45-рақамн танладим.
Бу ҳали бошланиши. Ҳали кўп ўзбеклар Англияда ўйнашади.
Отамнинг футбол ўйнашини кўриб, менда ҳам қизиқиш пайдо бўлган. Борганман...
“Манчестер Сити” - дунёнинг энг йирик жамоаларидан бири. Мураббийи эса жаҳондаги энг яхшиларидан. Бу ерга шу сабаб келдим”, – дейди Ҳусанов.
“Манчестер Сити” клуби ўзбекистонлик ҳимоячи Абдуқодир Ҳусанов билан шартнома имзолади. Ҳусанов ва клуб ўртасида 4,5 йиллик шартнома имзоланиш кутилаётган эди. Романо ҳам ўз ижтимоий тармоғидаги саҳифасида шартнома имзоланганини тасдиқлади. Келишувга кўра, шартномани яна бир йилга чўзиш мумкин. Абдуқодир ўзига 45-рақамни танлаган.
Шу тариқа Абдуқодир Ҳусанов Англия Премьер Лигасида ўйнайдиган биринчи ўзбек футболчисига айланади. Англиянинг юқори дивизионида футболчилари ўйнаган давлатлар сони эса 119 тага етади.
Маълумот учун, “Ланс” Ҳусановни 2023 йил июль ойида “Энергетик-БГУ”дан 100 минг еврога сотиб олганди.
Ҳусанов Франция клуби сафида 31 та ўйинда майдонга тушиб, бир марта голли узатма амалга оширди.
Изоҳ (0)