Навоий вилоятининг Нурота туманида 30 гектар ер майдонини сотмоқчи бўлган МЧЖ раҳбари ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “А.Н.” МЧЖ раҳбари Ж.А. корхонага Нурота туманидан ижара шартномаси асосида ажратилган 30 гектар ер майдонини фуқаро К.Х.га расмийлаштириб олиб беришни ваъда қилган.
Бунинг эвазига 350 млн сўмни фирибгарлик йўли билан олган вақтида ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Ер сотиш ҳолатлари
Аввалроқ Тошкентда Давлат кадастрлар палатаси туман филиали бошлиғи 25 минг доллар олаётганида ушланганди. Шунингдек, Навоий, Наманган ва Андижон вилоятларида ноқонуний йўллар билан ер майдонлари олиб беришни ваъда қилган шахслар қўлга олинган.
Изоҳ (0)