Марказий банк хорижий валюталарнинг ўзбек сўмига нисбатан 20 декабрда амалда бўладиган қийматини эълон қилди.
Унга кўра, доллар 13,23 сўмга кўтарилиб, 12 875,06 сўм бўлди. Евро 90,40 сўмга пастлаб, 13 406,80 сўм бўлди. Рубль 0,72 сўмга тушиб, 124,75 сўмни ташкил этди.
Бундан аввал доллар курси кетма-кет уч кун пастлаб, 12 861,83 сўм бўлганди. Евро ва рубль курси кўтарилганди.
Доллар курси йил бошида 12 352,86 сўмни ташкил этганди. С&П Глобал агентлигига кўра, ўзбек сўмининг долларга нисбатан курси 2024 йил якунида 12 950 сўмни ташкил этиши кутилмоқда. Баъзи иқтисодчилар фикрича, мамлакатда валюта курси сунъий ушлаб турилибди. Агар курс эркинлашса, 1 доллар 20 минг сўмгача кўтарилади.
Изоҳ (0)