Испания клуби мавсум охирида Фрэнки де Ёнг билан хайрлашишга тайёр.
Diario Sport хабарига кўра, ярим ҳимоячининг клубдаги ҳолатига апрель ойида тўпиғидан олган жароҳати таъсир қилган. Айнан шу сабаб билан де Ёнг деярли олти ойни даволаниш билан ўтказиб юборган. Жароҳатдан олдин “Барселона”нинг спорт директори ярим ҳимоячини лойиҳанинг муҳим қисми деб ҳисоблаётган эди.
Де Йонгнинг жамоадаги ҳозирги ўрнини инобатга олган ҳолда, “Барселона” энди унинг 2026 йилда тугайдиган шартномасини узайтириш бўйича музокаралар олиб бориш ниятида эмас. Клуб ярим ҳимоячини трансферга қўйишга ва кичик суммага бўлса-да сотишга тайёр. Таъкидланишича, каталонияликлар 20 миллион евролик таклифларни ҳам кўриб чиқди.
“Барселона” учун асосий муаммо де Ёнгнинг юқори маоши ҳисобланади. Футболчи солиқлар билан қўшиб ҳисоблаганда йилига тахминан 35 миллион евро олади.
Жорий мавсумда де Йонг “Барса” сафида Ла Лигада 6 та ўйин ўтказди.
Изоҳ (0)