Тошкент вилояти ҳуқуқ-тартибот органлари томонидан Ислом Каримов номидаги халқаро аэропортда фирибгарлик ҳолати фош этилди.
Аэропорт ходими Р.М. фуқароларни ишга жойлаштиришини айтиб, 1,5 минг доллар пора олаётганда қўлга тушган.
Айни пайтда гумонланувчи қамоққа олиниб, унга нисбатан жиноий иш қўзғатилган.
“Жабрланувчи ҳам ўз навбатида нима учун бундай йўлни танлаганини судга тушунтириб бериши керак бўлади”, дейилади хабарда.
Май ойида “Тошкент метрополитени” ДУК “Ҳаракат” хизмати ходими фуқаронинг ишончига кириб, 2 миллион сўм эвазига ишга жойлаб қўйишга келишган ва ундан 1 миллион сўм миқдорида пора олаётган вақтда қўлга тушганди.
Тошкентнинг Сергели туманидаги мактабда эса юқори лавозимга ишга ўтказиш эвазига 200 доллар олган ўқитувчи ушланганди.
Қорақалпоғистонда фуқарони Қорақалпоқ давлат университетига ишга киритиш эвазига 1,8 минг доллар олган шахслар ушлангани айтилганди.
Бундан ташқари, Қорақалпоғистон Республикаси, Тошкент ва Андижон вилоятларида ишга ҳамда ўқишга киритиб қўйиш билан боғлиқ фирибгарлик ҳолатлари фош этилганди. Жумладан, Нукусда тез тиббий ёрдам илмий марказига ишга киритиш эвазига 40 млн сўм олган шахс ушланган.
Тизимга киринг ёки Рўйхатдан ўтинг.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРўйхатдан ўтганмисиз? Login.
Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатадиРаҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)