Россия президенти матбуот котиби Дмитрий Песков фикрича, Россия ва АҚШ муносабатларининг илиқлашиши ҳақида гапиришга ҳали эрта.
Шу билан бирга, Кремль вакили президент Владимир Путиннинг АҚШ сайланган президенти Дональд Трамп билан мулоқотга очиқлиги сақланиб қолаётганини таъкидлади. Бироқ Дмитрий Песковнинг аниқлик киритишича, ҳали бундай мулоқот бўйича аниқ маълумотлар йўқ.
“Маълум баёнотлар бор, аммо аниқ қадамлар вақти келмагунча, бу ҳақда гапиришга эрта”, деди Песков.
Бир кун аввал, 7 ноябрь куни Россия президенти АҚШ сайловларида ғалаба қозонган Дональд Трампни табриклади. Бироқ унга ҳозирча қўнғироқ қилмаслигини таъкидлади. Кейинроқ Трамп Владимир Путин билан ҳали гаплашмаганини айтди ва “Ўйлайманки, ҳали гаплашишга улгурамиз”, деб қўшимча қилди.
Изоҳ (0)