Исроил бош вазири Биньямин Нетаньяху мамлакат бош прокурори Гали Баҳарав-Миарага мактуб йўллаб, хавфсизлик йиғилишларидаги маълумотларнинг сизиб чиқишини текширишни талаб қилди. Хабар матни Исроил ҳукумати раҳбари идораси томонидан эълон қилинган.
“Жиддий маълумотларнинг сизиб чиқиши ва ошкор этилиши давом этмоқда, бу ҳолатни текшириш бўйича бир неча марта сўровларимга қарамай, ҳеч нарса қилинмади”, деб ёзади Нетаньяху бош прокурорга йўллаган мактубида.
Ноябрь ойи бошида The Times of Israel газетаси Исроил разведка хизматлари махфий маълумотларнинг сизиб чиқиши билан боғлиқ бир неча гумондорни қўлга олгани ҳақида хабар берган эди.
Унга кўра, бош вазирнинг собиқ матбуот котиби Элиэзер Фелдштейн ўтган ҳафта армия маълумотлар базасидан махфий маълумотларни олиб, Европа ахборот агентликларига етказишга уринган.
Изоҳ (0)