Жўрабек Раҳимов Хоразм вилояти ҳокими этиб қайта тасдиқланди. Бу ҳақда вилоят ҳокимлиги матбуот хизмати хабар берди.
5 ноябрь куни халқ депутатлари Хоразм вилояти Кенгашининг еттинчи чақириқ биринчи сессияси бўлиб ўтди. Сессияда 14-Ғозовот сайлов округидан сайланган депутат Алтибай Раджабов халқ депутатлари Хоразм вилояти кенгаши раиси этиб сайланди.
Сессияда Жўрабек Раҳимов Хоразм вилояти ҳокими лавозимига бир овоздан тасдиқланди.
2022 йил декабрда Фарҳод Эрманов Хоразм вилояти ҳокими лавозимидан озод этилиб, Қорақалпоғистон Республикаси Жўқорғи Кенгеси томонидан Қорақалпоғистон Вазирлар Кенгаши раиси лавозимига тасдиқланган эди. Шундан сўнг Жўрабек Раҳимов Хоразм вилояти ҳокими вазифасини бажарувчи этиб тайинланганди. 2023 йилнинг март ойида у Хоразм вилояти ҳокими лавозимига тасдиқланганди.
Изоҳ (0)