Google Maps хизмати янгиланишдан сўнг Украинанинг ҳарбий объектларини кўрсатувчи сунъий йўлдош тасвирларини эълон қилди. Бу ҳақда Украина Миллий хавфсизлик кенгаши ҳузуридаги Дезинформацияга қарши курашиш маркази раҳбари Андрей Коваленко маълум қилди.
“Вазиятни тасаввур қилинг. Google хариталарга янгиланган суратларни жойлаштирмоқда, уларда ҳарбий тизимларимизнинг жойлашуви кўриниб турибди (тафсилотларга тўхталмайман). Буни тезда тузатиш учун уларга мурожаат қиламиз, лекин уларнинг дам олиш кунлари экан. Бу масала билан шуғулланишга вақтлари йўқ”, деди Коваленко.
Амалдорнинг таъкидлашича, Россия оммавий ахборот воситалари бу суратларни аллақачон “фаол равишда тарқата бошлаган”. Хусусан, Google Mapsъдан олинган Украина ҳарбий объектларининг тасвирлари З-каналларида эълон қилинган.
Коваленко янгиланган сунъий йўлдош тасвирларига жамоатчилик муносабати билдирилгандан сўнг Google вакиллари Украина ҳукумати билан боғланганини айтди.
“Уларнинг айтишича, ҳарбий тизимларимиз жойлашуви акс этган тасвирларга оид вазиятни тузатиш устида ишлашмоқда”, дея қўшимча қилди у.
Google Earth хизматидаги санага кўра, Украина ҳудудининг янги сунъий йўлдош тасвирлари 2023 йилнинг кузида олинган. Унда ҳарбий объектлар, масалан, Киевдаги Жюлян аэропортидаги ҳаво ҳужумидан мудофаа тизимлари яққол кўринади. Mapsъда, шунингдек, Хмелницкий вилоятидаги Starkонстатинов аэропорти сурати ҳам мавжуд бўлиб, унда самолётлар, ангарлар ва бошқа объектлар акс этган.
Изоҳ (0)