2023 йилда ташкил топган “Аркадаг” жамоасининг ғалабали серияси ўз якунига етди.
Туркманистон клубининг серияси 61 ўйингача давом этди.
Ташкил этилганидан буён мағлубият нималигини билмай келган клуб Туркманистон чемпионатида зафар қучишга ҳам муваффақ бўлди.
“Аркадаг” Осиё футбол Конфедератияси Чақирув лигаси гуруҳ босқичининг 3-турида “Ал-Араби” клубига 2:3 ҳисобида мағлуб бўлди.
Шунга қарамасдан клуб турнирнинг плей-офф босқичига чиқди.
Маълумот учун “Аркадаг” — Туркманистоннинг собиқ президенти, ҳозирда Туркманистон Халқ Маслаҳати раиси Гурбангули Бердимуҳамедов номи билан аталган шаҳарнинг клуби ҳисобланади.
BBC нашрининг хабарига кўра, клубнинг либоси ва логотипи дизайни бўйича шахсан Бердимуҳамедовнинг ўзи шуғулланган. Мавсум аввалида жамоа лиганинг энг кучли футболчилари билан шартнома имзолаган эди.
Изоҳ (0)