АҚШнинг Wеill Cornell Medicine коллежи, Рокфеллер университети ва Икан тиббиёт мактаби олимлари миядаги нейрон гуруҳлари фаолиятини назорат қила оладиган ген терапияси технологиясини ишлаб чиқди.
Мазкур технология Паркинсон касаллиги, депрессия, сурункали оғриқ, ҳатто семизликни даволаш учун магнит майдон ёрдамида инсон бошидаги занжирларни ўчириши ёки ёқиши мумкин.
Қизиғи шундаки, илм-фан ва технология ривожланиши билан мия касалликларини даволашнинг турли усуллари, хусусан, нурга сезгир оқсилларни ўзига хос нерв ҳужайраларига етказиб бера оладиган оптогенетика пайдо бўла бошлади. Аввал бунинг учун оптик толали имплант керак бўлган бўлса, янги тадқиқот орқали усиз ҳам муваффақиятга эришилди.
Аввалига олимлар моддаларнинг ҳужайра мембранаси орқали ўтиши учун махсус йўлларга йиғилувчи ўзига хос хусусиятларга эга оқсилни яратишди. Кейин эса унга ферритин номли темир тутувчи оқсил-тузоққа ёпишиш имкони берилди. Охирги босқичда юқорида айтиб ўтилган ферритин томонидан ушлаб турилган атомларга таъсир ўтказиш ва каналларни очиб-ёпиш учун магнит майдонидан фойдаланилди.
Паркинсон касаллиги бўлган сичқонлар устида ўтказилган дастлабки тажрибаларга кўра, магнит-резонанс томография ёки МРТ сканерининг субъектларга таъсири уларни жойида ҳаракатсиз ҳолатга келтирган. Яъни, олимлар ҳар қандай ҳаракатни назорат қила олган. Ушбу технологияни инсонларда қўллаш орқали характерли мотор тебранишлари ва титроқларни, шунингдек, сурункали мия касалликлари пайтида бошқа ғайритабиий ҳаракатларни камайтиришга эришиш мумкин бўлади.
Изоҳ (0)