Хитой асосий портлар ва ҳудудларни блокада қилиш ҳамда назоратга олиш бўйича Тайван атрофида машғулотлар бошлади. Бу ҳақда жанговар қўмондонликнинг Шарқий зонаси расмий вакили Ли Си маълум қилди.
Маълум қилинишича, Хитой Тайван бўғозида ўтказиладиган “Қўшма қилич-2024Б” машғулотларига қуруқликдаги қўшинлар, денгиз флоти, ҳаво кучлари, ракета кучлари ва бошқа қўшинларни юборган. Машғулотлар оролнинг шимолий, жанубий ва шарқий қисмларида бўлиб ўтади.
Ли Си таъкидлашича, машғулотлар давомида кемалар ва самолётлар Тайванга турли йўналишлардан яқинлашади ва “турли хил зарба берувчи кучлар иштирокида қўшма ҳужум бўйича манёврлар ўтказади”.
“Муҳим портлар ва ҳудудларни блокировка қилиш ҳамда назоратга олиш” денгиз ва қуруқликдаги нишонларга зарба бериш бўйича машғулотлар олиб борилади.
Машғулотлар Тайван мустақиллигига интилаётган айирмачи кучларга жиддий огоҳлантириш бўлиб хизмат қилади ва миллий суверенитетни ҳимоя қилиш ва давлат бирлигини сақлаш учун адолатли ҳамда зарур қадамдир”, деди Ли Си.
Тайван маъмурияти Хитойнинг ўқув машғулотлари “ўтакетган провокация” эканини билдирди.
Изоҳ (0)