Ички ишлар вазирининг тегишли буйруғи билан вилоят Йўл ҳаракати хавфсизлиги бошқармаси бошлиғи лавозимига полковник Азиз Садиров тайинланди. Бу ҳақда ИИВ Йўл ҳаракати хавфсизлиги хизмати ахборот хизмати хабар бермоқда.
Тошкент вилояти ИИББ ахборот хизматининг “Дарё”га маълум қилишича, аввалги бошлиқ бошқа ишга ўтиши муносабати билан лавозимидан озод қилинган.
Янги бошлиқни тантиштириш маросимида пойтахт Тошкент шаҳрини вилоятлар билан боғловчи йўллар Тошкент вилояти ҳудудидан ўтиши, мазкур йўлларда транспорт воситаларининг серқатновлигини инобатга олган ҳолда ҳаракат хавфсизлигини таъминлаш бўйича чора-тадбирларни янада жадаллаштириш лозимлиги таъкидланган. Жорий йилнинг ўтган даври мобайнида вилоят автомобиль йўлларида содир бўлган йўл-транспорт ҳодисалари танқид қилинган.
Аввалроқ Мактаб олдида қоидабузарлик қилган ҳайдовчиларни ўқувчилар олдида изза қилиш “тажриба”сини йўлга қўйган Андижон ЙҲХ бошлиғи ишдан олиниб, унинг ўрнига подполковник Рустам Мақсудхўжаев тайинланган эди.
Изоҳ (0)