Ўтган йиллар Дубайнинг валиаҳд шаҳзодаси Муҳаммад ибн Рашид Ал Мактум араб дунёсининг энг келишган бўйдоғи ҳисобланган. Бироқ ҳозирда у оилали. Яқин Шарқда бошқа ҳавас қилса арзийдиган куёвлар ҳам бор. Қуйида БАА, Қатар, Баҳрайн, Кувайт ва Иорданиянинг энг истиқболли шаҳзодалар ҳақида маълумот берамиз.
Шайх Ҳумайд ибн Аммар ал-Нуаймий
Шайх Ҳумайд Ажман амирлиги валиаҳд шаҳзодаси Олий ҳазратлари шайх Аммар ибн Ҳумайд ал-Нуаймийнинг тўнғич ўғли. У 2020 йилда Буюк Британия Қироллик ҳарбий академиясини тамомлаган.
Бошқа қироллик наслидан бўлган араб меросхўрлари каби шайх Ҳумайд ҳам кўплаб спорт турлари билан шуғулланади — камонда ўқ отишдан тортиб сувости овигача. Шу билан бирга, ёш шаҳзода тез-тез расмий тадбирларда иштирок этади ва араб дунёсининг юқори мартабали арбоблари билан мулоқот қилади.
Шайх Жобир Саъд ал-Асби ал-Сабоҳ
Шайх Жобир Саъд ал-Асби ал-Сабоҳ Кувайт қироллик оиласининг аъзоси. Британия Қироллик ҳарбий академиясида ўқиётганда лейтенант унвонини олган. 2023 йил 14 апрелда эса Жобир Саъд ўзлаштириши бўйича энг яхши хорижий талаба сифатида “Коллеж сардори” медалини қўлга киритган биринчи кувайтлик бўлди. Фахрий мукофотни унга қирол Чарльз III нинг ўзи топширди, бу бутун Кувайт учун фахрланиш учун алоҳида сабаб бўлди.
Шунингдек, Кувайт қироллик оиласи меросхўри 2021 йилда Орегон штатидаги Портленд давлат университетини ҳам тамомлаган.
Шайх Холид ибн Мансур ибн Аҳмад Ол Соний
Шайх Холид ибн Мансур — Қатарнинг собиқ амири, шайх Аҳмад ибн Али Ол Соний ва шайх Марям бинту Рашид ибн Саид Ол Мактумнинг набираси бўлиб, онаси Дубайнинг ҳозирги ҳукмдори Шайх Муҳаммад ибн Рошид Ол Мактумнинг синглиси ҳисобланади. Хуллас, у бутун Шарқ бўйлаб бой қариндошлик алоқаларига эга.
Шайх Холид ибн Мансур Зайд ҳарбий коллежини 2018 йилда тамомлаган. У инвестиция ва тадбиркорлик билан шуғулланади, шунингдек, дунёнинг турли бурчакларига саёҳат қилишни жуда яхши кўради — Европанинг шинам шаҳарчаларидан тортиб, жуда кам одам борадиган энг экзотик табиий жойларгача.
Шайх Исо ибн Абдулла ибн Ҳамад Ол Халифа
1999 йилда туғилган бу йигитнинг бобоси Баҳрайн қироли. Тахт вориси бошланғич ва ўрта таълимни ўз ватанида олган, сўнгра Америка Қўшма Штатларидаги университетга ўқишга кирган.
Бугунги кунда Шайх Исо автоспорт бўйича профессионал спортчи ва Баҳрайн қироллик оиласининг профессионал спорт таълимини олган биринчи вакилидир. Қиролнинг набирасига “2seas” автоспорт жамоаси ҳам тегишли.
Шаҳзода Муҳаммад ибн Талал
Иордания шаҳзодаси Муҳаммад ибн Талал — Иордания шаҳзодаси Талал ибн Муҳаммад ва малика Гида Талалнинг кенжа ўғлидир. Албатта, у саройда юқори мавқега эришиши амримаҳол, бироқ ёш йигит ўзининг хайрия ишлари (қирол Ҳусайн номидаги онкология марказида волонтёр) ва оиласига, айниқса, оиласидаги аёлларга бўлган меҳр-муҳаббати туфайли обрўси ошиб бормоқда. У синглиси ва онаси билан тушган суратларини эълон қилиб туради.
Бундан ташқари, шаҳзода Муҳаммад яқинда Вашингтондаги Жоржтаун университетини тамомлаган. Шунингдек, у ажойиб чавандоз бўлиб, кўплаб мусобақаларда қатнашган.
Изоҳ (0)