Наманган вилоятида фаолият олиб борувчи “Наманган мусаффо иқлим” МЧЖнинг I ярим йиллигида маиший чиқинди ташиш хизматларини кўрсатиш соҳасида қонун талабларига риоя этилиши юзасидан ўрганиш ўтказилди. Бу ҳақда Рақобат қўмитаси ахборот хизмати маълум қилди.
Хизмат кўрсатувчи ташкилот томонидан маиший чиқинди ташиш хизматлари кўрсатилган Наманган шаҳар, Давлатобод, Янги Наманган, Тўрақўрғон, Наманган ва Мингбулоқ туманидаги маҳаллалар истеъмолчи абонентлар-хонадонларига хизмат кўрсатиш сифати бўйича олинган далолатномалар таҳлил қилинган.
Наманган вилоятнинг 6 та ҳудудида жойлашган 275 та маҳаллада 1 миллион 300 минга яқин аҳоли истиқомат қилса-да, ташкилот томонидан ҳудудда 176 та маҳалладаги 633 минг 598 нафар аҳолини (қамров 50,8 фоиз) қамраб олинмаганлиги ҳамда 762 минг 512 нафар истеъмолчига 11 миллиард сўмлик кўрсатилмаган хизмат учун ҳақ ҳисоблангани ҳолатлари аниқланди.
“Наманган мусаффо иқлим” МЧЖга нисбатан иш қўзғатилиб, 762 минг 512 нафар истеъмолчи фойдасига 11 миллиард сўм қайта ҳисоб-китоб қилиниши бўйича бажарилиши мажбурий бўлган кўрсатма берилган.
Изоҳ (0)