“Адолат” партияси томонидан оммавий тарғибот тадбири ўтказилди

“Адолат” СДП 2025—2029 йилларга мўлжалланган Сайловолди дастури доирасида “Тенг имкониятлар ва адолатли жамият сари!” шиори билан фаол тарғибот кампаниясини олиб бормоқда.

Партиянинг асосий мақсади – адолатли ва барқарор жамият қуриш, ҳар бир фуқаронинг ҳуқуқ ва манфаатларини ҳимоя қилишдан иборат. Партия илгари сураётган янги ташаббус ва таклифлари, муҳим ислоҳотларини аҳоли орасида кенг таништириш, сайловларда уларнинг фаол иштирокини таъминлашга алоҳида эътибор бериб, оммавий тарғибот тадбирлари ташкил этяпти.

Жумладан, куни кеча Тошкент вилоятидаги Нурафшон Business Cитйда “Адолат” СДП ташаббуси билан “Тенг имкониятлар ва адолатли жамият сари!” шиори остида ўтказилган оммавий тадбир иштирокчиларда партияга бўлган қизиқишни янада оширди.

Унда партия Сиёсий кенгаши вакиллари, партия Марказий аппарати ва вилоят кенгаши ходимлари, экспертлар, кенг жамоатчилик вакиллари, ёшлар, хотин-қизлар ҳамда оммавий ахборот воситалари ходимлари иштирок этишди.