Қирғизистон ҳукумати “Росатом” билан ҳамкорликда атом энергетикасини ривожлантириш имкониятларини ўрганиб, АЭС қурилиши учун мақбул жой излашда давом этмоқда.
“Элдик” депутатлар гуруҳи йиғилишида мамлакат энергетика вазири Талайбек Ибраев мамлакатда атом электр станциясига эҳтиёж борлигини, чунки у барқарор энергия таъминотини таъминлашнинг энг ишончли технологияларидан бири ҳисобланишини таъкидлаган. Вазир станция қурилиши беш-олти йил давом этишини, жой танлаш давом этаётганини қўшимча қилган.
“У ускуналарни совитиш учун сув манбалари яқинида жойлашган бўлиши ва электр тармоғига уланиши керак” дея қўшимча қилди вазир.
Иброев, шунингдек, иш фақат аҳоли қўллаб-қувватлаши орқалигина бошланишини айтган. Унинг қўшимча қилишича, қўшни давлатлар аллақачон атом энергетикасини фаол ривожлантирмоқда. Ноябрь ойида ОАВ вакиллари учун Туркиядаги Аккую АЭС танишув сафарини ташкил этиш режалаштирилган.
Аввалроқ қозоғистонликлар мамлакатдаги биринчи АЭС қурилишини қўллаб-қувватлагани маълум бўлган эди. Сайловчиларнинг 70 фоизи мазкур ташаббусни ёқлаб овоз берган. Мамлакат президенти Қосим-Жўмарт Тўқаев ушбу лойиҳани “мустақил Қозоғистон тарихидаги энг йирик лойиҳа” деб атаган.
Изоҳ (0)